Koha e keqe paralizon punen ne portin e Durresit

DURRËS - Porti i Durresit, eshte perfshire ne oret e para te mengjesit te djeshem, nga moti i keq dhe deti i trazuar. Era e forte qe frynte nga jugperendimi, ka bllokuar perkohesisht perpunimin e mallrave, si dhe nisjen e anijeve nga ky port. Burime zyrtare nga Kapiteneria e portit, thane se era e forte i ka detyruar anijet tregtare dhe elektrovinxhat qe punojne per ngarkimin dhe shkarkimin e tyre, te nderpresin punen ne pritje te permiresimit te motit. Nga burimet zyrtare mesojme se aktualisht ne det te hapur, nuk ka asnje motopeshkatore, ndersa anijet tregtare qe ndodhen ne Raden prane portit, nuk kane paraqitur probleme. Deri ne mbremje kur te nisen tragetet e radhes drejt Barit, nuk pritet mberritja e ndonje trageti tjeter me udhetare, ndersa ende nuk dihet se deri kur do te vazhdoje moti i keq me ere te forte dhe det te trazuar. Ne bashkeveprim me autoritetin portual dhe kapitanerine, dispeceria e peshkimit u ka bere me dije pronareve te anijeve edhe kalendarin e pritshem per gjueti i cili nuk eshte premtues.

E. Arapi