Kola: Kjo eshte tallja e radhes
Qeveria "Berisha" vijon talljen e saj ndaj ish te perndjekurve nga regjimi komunist! Ky ishte qendrimi i djeshem nga kryetari i Shoqates se ish te perndjekurve, Kurt Kola, lidhur me demshperblimin e akorduar per tre vitet e ardhshme, me vlere 10 milione dollare amerikane per cdo vit. Referuar ketij fakti, Kola, i pyetur mbreme nga "Koha Jone", jo vetem qe e cilesoi si tallje nje shume te tille, po dhe nuk kurseu akuzat ndaj qeverisjes se djathte. "Kjo eshte nje tallje qe po i behet ne vijimesi kategorise se ish-perndjekurve. Madje do te thoja qe ky vendim i jep lustren e fundit tashme ketij percmimi, qe eshte prezent qe prej 17 vitesh", u shpreh Kola gjate nje prononcimi per gazeten "KJ". Sipas tij, nese do kishim te benim vertet me nje shtet qe funksionin sipas ligjeve demokratike, atehere kjo histori do te kishte mbaruar. "Me keto sorollatje pafund po shikojme se as 5% e ish te perndjekurve nuk po arrijne te demshperblehen sa jane gjalle. Kjo situate po rendohet gjithmone e me shume, pasi tashme ish te perndjekurit nuk perbejne me nje faktor me rendesi ne skenen politike", vuri ne dukje Kola. Madje, po ne kete linje, kryetari i shoqates se ish te perndjekurve paralajmeroi se "kjo tallje do te kthehet nje dite ne bumerang per te gjithe pushtetaret, te cilet nuk po kursejne percmimin ndaj kesaj kategorie".