Kolana e bisedimeve parlamentare, Topalli: Leksione të shkëlqyera!
TIRANE-Kryetarja e Kuvendit Jozefina Topalli, prezantoi sot kolanën e botimeve të “Bisedimeve parlamentare”, vitet 1920-1939.
Në fjalën e saj ajo vlerësoi autorët, të cilët sipas saj punuan që Shqipëria të bëhej një vend i mirëfilltë demokratik.
“Në këto fjalime që gjenden në 46 libra të tillë, nuk ka retorikë, ato janë leksionet më të shkëlqyera për ligjërimin politik. Me vokacion perëndimor këmbëngulën që identiteti i shqiptarëve të orientohej nga iluminizmi europian. Dalja në dritë e kësaj kolane i jep nder dhe dinjitet civilizimit tonë”, u shpreh Topalli në fjalën e saj.
Në vijim ajo shtoi se në këtë kolanë gjenden disa ligje të një rëndësishme të veçantë, duke shprehur kënaqësinë që në mandatin e parë si kryeparlamentare mundi të transkriptoj bisedimet parlamentare për një periudhë të rëndësishme.
Në këtë linjë Topalli tha, “Tani në mandatin e dytë nxora kolanën me 46 vëllime, në mandatin e ardhshëm do vazhdojmë punën për të mbuluar dhe transkriptuar të gjithë bisedimet parlamentare, sa i takon këtij pushteti të jashtëzakonshëm, ku merren vendime të jashtëzakonshme”.
Kjo kolanë e realizuar përmes kërkimeve në Arkivën Qendrore të Shtetit, Bibliotekës Kombëtare, bibliotekat Universitare dhe Bibliotekën e Kuvendit, botohet për herë të parë, nën kujdesin e Kryetares së Kuvendit. Ky botim unik vjen si kurorëzim i një pune tre vjeçare, pas skanimit, dixhitalizimit dhe përpunimit të mbi 20 mijë faqeve, duke ruajtur me besnikëri autenticitetin e tyre.
(d.b/BalkanWeb)
Në fjalën e saj ajo vlerësoi autorët, të cilët sipas saj punuan që Shqipëria të bëhej një vend i mirëfilltë demokratik.
“Në këto fjalime që gjenden në 46 libra të tillë, nuk ka retorikë, ato janë leksionet më të shkëlqyera për ligjërimin politik. Me vokacion perëndimor këmbëngulën që identiteti i shqiptarëve të orientohej nga iluminizmi europian. Dalja në dritë e kësaj kolane i jep nder dhe dinjitet civilizimit tonë”, u shpreh Topalli në fjalën e saj.
Në vijim ajo shtoi se në këtë kolanë gjenden disa ligje të një rëndësishme të veçantë, duke shprehur kënaqësinë që në mandatin e parë si kryeparlamentare mundi të transkriptoj bisedimet parlamentare për një periudhë të rëndësishme.
Në këtë linjë Topalli tha, “Tani në mandatin e dytë nxora kolanën me 46 vëllime, në mandatin e ardhshëm do vazhdojmë punën për të mbuluar dhe transkriptuar të gjithë bisedimet parlamentare, sa i takon këtij pushteti të jashtëzakonshëm, ku merren vendime të jashtëzakonshme”.
Kjo kolanë e realizuar përmes kërkimeve në Arkivën Qendrore të Shtetit, Bibliotekës Kombëtare, bibliotekat Universitare dhe Bibliotekën e Kuvendit, botohet për herë të parë, nën kujdesin e Kryetares së Kuvendit. Ky botim unik vjen si kurorëzim i një pune tre vjeçare, pas skanimit, dixhitalizimit dhe përpunimit të mbi 20 mijë faqeve, duke ruajtur me besnikëri autenticitetin e tyre.
(d.b/BalkanWeb)