Kolumbi vritet lideri i FARK
Lideri i guerrilasve të krahut të majtë, FARK, Alfonso Cano është vrarë në një sulm të organizuar nga trupat ushtarake në një nga bastionet e tij.
Lajmin e ka konfirmuar vetë presidenti Juan Manuel Santos, i cili e ka vlerësuar operacionin si goditjen më shkatërruese ndaj grupit të rebelëve.
Ndërkohë, ministri i Mbrojtjes, Juan Carlos Pinzon ka saktësuar se operacioni ndaj guerrilasve u krye në malet e Kolumbisë jug-perëndimore.
Forcat e sigurisë kanë vrarë një numër të konsiderueshëm komandantësh të FARK dhe kanë arrestuar shumë të tjerë në vitet e fundit.
Duke dhënë detaje të tjera për operacionin, ministri Pinzon ka deklaruar se forcat qeveritare në fillim bombarduan kampin e FARK në xhungël, në shtetin e Sausas.
Më pas trupat u ulën me litarë nga helikopterët që qëndronin në ajër dhe shkëmbyen zjarr me guerrilasit dhe Cano, i cili mbeti i vrarë bashkë me anëtarë të tjerë të FARK.
Pamje të liderit të vrarë, me mjekrën historike të tij të ruar, u transmetuan në televizionet kolumbiane.
“Kjo është goditja më shkatërruese që i është dhënë këtij grupi në historinë e tij. Unë dua t’i dërgoj një mesazh cdo anëtari të organizatës: shpërbëhuni, ndryshe do të përfundoni në burg ose në varr. Ne do ta arrijmë paqen”, ka deklaruar presidenti Santos.
Mësohet se Cano u gjurmua në kampin e xhunglës përmes përgjimit të telefonave nga disa aparatura speciale të qeverisë.
if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));
Lajmet kryesore
Rama shpalos programin “për 95% të shqiptarëve”
Pritet miratimi i programit dhe ndryshimet në statut
Rrisqet e buxhetit te ri
Këshilltarët e PS-së, akuza Bashës
Itali, Xhenova e tronditur prej përmbytjeve
Deputetët e PD: Topi të respektojë Kushtetutën