Komandanti i Flotës, debate PD-PS te Siguria

Komisioni i sigurise

TIRANË- Emërimi i komandantit të Flotës detare është bërë shkak për debate të shumta mes deputetëve të opozitës dhe atyre të maxhorancës në Komisionin e Sigurisë. Deputeti socialist Piro Lutaj ka theksuar se në këtë emërim Ministri i Mbrojtjes ka shkelur me të dyja këmbët Kushtetutën, duke shmangur totalisht Presidentin, ndërkohë që ka kërkuar që për këtë cështje të përgjigjet vetë ministri.

Sipas tij, cdo emërim ose shkarkim i kësaj natyre bëhet nga presidenti. Shefi i Shtabit deklaroi se gjithçka ëhstë bërë në përputhje me ligjin, një gjë të tillë duhet ta dëgjojmë të na e thotë edhe ministri- ka thënë ai.

Ndërkohë kreu i komisionit, Leonard Demi ka deklaruar se do të ngrihet një ekip monitorues për të parë nëse ka në këtë procedurë emërimi shkelje apo jo të ligjit.