Neser, 324 fituesit e rinj ne universitete

Emrat e fituesve, qe per momentin cilesohen "te fundit" per vitin akademik 2007-2008, do te publikohen neser. Sipas burimeve nga Ministria e Arsimit, ne mengjes aplikantet do te mund ta mesojne faktin, nese jane shpallur fitues ose jo prane Drejtorive Arsimore Rajonale dhe Zyrave Arsimore te Rretheve. Ky mendohet te jete raundi i fundit pranimeve ne universitete, ndersa nuk perjashtohet mundesia e shtesave te reja, nese ende do te kete vende bosh. Ne fakt, edhe per raundin e kaluar u tha se do te ishte i fundit, e megjithate nuk rezultoi keshtu. Kjo do te thote, se nuk perjashtohet mundesia qe ne rast te mosplotesimit te kuotave aktuale, te mbetura bosh, te kete nje raund tjeter. Megjithate, specialistet e drejtorive arsimore nuk jane aspak te mendimit qe te kete raund tjeter, duke deklaruar se edhe ky i fundit ishte i tepert. Ata jane ankuar se pranimi i ketij niveli te ulet eshte si mine me sahat. "Pjesa derrmuese e maturanteve, qe kane terhequr formularin, mezi jane shpallur kalues. Dhe pikerisht ata do te fitojne te drejten e studimeve ne shkollat e larta, sipas udhezimit te ministrit te Arsimit dhe Shkences per plotesimin e vendeve te mbetura bosh", shprehen specialistet. Ata thone se t'u japesh maturanteve te drejten e studimeve, vetem e vetem per te plotesuar vendet bosh, rrezikon te ule ne menyre te frikshme nivelin e universiteteve tona.