Komisioni për Veprimtaritë Prodhuese, Tregtinë dhe Mjedisin miraton dy projektligje.
Komisioni për Veprimtaritë Prodhuese, Tregtinë dhe Mjedisin, në mbledhjen e datës 2 dhjetor 2008, shqyrtoi projektligjet:
1. Për aderimin e Republikës së Shqipërisë në marrëveshjen ndërkombëtare për ullirin dhe vajin e ullirit.
2. Për aderimin e Republikës së Shqipërisë në Konventën për mbrojtjen e turizmit kulturor nënujor, Paris 2001.
Ishin të pranishëm në mbledhje përfaqësueset e Ministrisë së Bujqësisë, Ushqimit dhe Mbrojtjes së Konsumatorit Brunilda Stamo dhe Fatmira Allmuça, si dhe përfaqësuesi i Ministrisë së Turizmit, Kulturës, Rinisë dhe Sporteve, Olsi Lafe.
Për projektligjin e parë, u dëgjuan fillimisht përfaqësueset e Ministrisë, të cilat theksuan se pjesëmarrja në këtë marrëveshje ndërkombëtare ka si detyrim financiar për shtetitn tonë një shumë prej 30 mijë Eurosh në vit, por gjithashtu ka një interes ekonomik dhe social për ne. Ajo do të ndikojë në standartizimin dhe rregullimin e tregut të ullirit dhe vajit të ullirit, statistikave, promovimit, përmirësimit të cilësisë, bashkëpunimit teknik, informacionit, menaxhimit financiar dhe forcimit të lidhjeve të biznesit me konsumatorët. Institucioni përgjegjës për zbatimin e marrëveshjes në fjalë, është Ministria e Bujqësisë, Ushqimit dhe Mbrojtjes së Konsumatorit. Më tej, u vijua me pyetje për specialistet.Në përfundim, Komisioni u shpreh dakord për kalimin e këtij projektligji për shqyrtim në seancë plenare.
Për projektligjin e dytë, fillimisht bëri një paraqitje të shkurtër përfaqësuesi i Ministrisë. Ai vuri në dukje se cilat ishin objektivat kryesore të Konventës. Aderimi në këtë Konventë do të bëjë të mundur plotësimin e bazës ligjore për mbrojtjen e trashëgimisë kulturore nënujore.
Institucioni përgjegjës për zbatimin e marrëveshjes në fjalë është Ministria e Turizmit, Kulturës, Rinisë dhe Sporteve. Më tej, u kalua në pyetje për specialistin. Në përfundim, Komisioni u shpreh dakord për kalimin e këtij projektligji për shqyrtim në seancë plenare.
(Për më shumë informacion kontaktoni me zyrën e komisionit në numrin: + 355 4 22 78 293).