Komisioni për Veprimtaritë Prodhuese, Tregtinë dhe Mjedisin shqyrtoi projektligjin Për aderimin e Republikës së Shqipërisë në konventën ndërkombëtare Për barrat dhe hipotekat detare.
Komisioni për Veprimtaritë Prodhuese, Tregtinë dhe Mjedisin, në mbledhjen e datës 23.2.2009, filloi shqyrtoi projektligjin Për aderimin e Republikës së Shqipërisë në konventën ndërkombëtare Për barrat dhe hipotekat detare.
Në mbledhje ishte i pranishëm specialisti i Ministrisë së Punëve Publike, Transporteve dhe Telekomunikacioneve Vladimir Naqellari.
Fillimisht u dëgjuan shpjegimet e përfaqësuesit të Ministrisë së Punëve Publike, Transporteve dhe Telekomunikacioneve. Ai shpjegoi se qëllimi i kësaj konvente, është vendosja e një instrumenti ligjor uniform ndërkombëtar në fushën e barrave dhe garancive hipotekare detare.
Aderimi në këtë konventë është vazhdim i plotësimit të kuadrit ligjor kombëtar në përputhje me atë ndërkombëtar, në përputhje me zbatimin e nenit 106 të MSA-së.
Aderimi në këtë konventë nuk ka detyrime financiare. Institucioni përgjegjës për zbatimin e projektligjit në fjalë, është Ministria e Punëve Publike, Transporteve dhe Telekomunikacioneve.
Pas diskutimeve, Komisioni e miratoi në parim projektligjin dhe u shpreh dakort për kalimin e tij për shqyrtim në seancë plenare.
Tiranë, më 23.2.2009
(Për më shumë informacion kontaktoni me zyrën e komisionit në numrin: + 355 4 22 78 293).