Komisioni për Veprimtaritë Prodhuese, Tregtinë dhe Mjedisin shqyrtoi projektligjin : Për miratimin e kontratës së koncensionit, ndërmjet Ministrisë së Ekonomisë, Tregtisë dhe Energjetikës, si autoritet kontraktues, dhe AVN AG, Statkraft AS dhe Devoll

Komisioni për Veprimtaritë Prodhuese, Tregtinë dhe Mjedisin, në mbledhjen e datës 17.2.2009, filloi shqyrtimin e   projektligjit: Për miratimin e kontratës së koncensionit, ndërmjet Ministrisë së Ekonomisë, Tregtisë dhe Energjetikës, si autoritet kontraktues, dhe AVN AG, Statkraft AS dhe Devoll Hydropoëer, sh.a, si bashkëkoncensionarë, për projektimin, financimin, ndërtimin, marrjen në pronësi, shfrytëzimin, mirëmbajtjen dhe transferimin e projektit të hidrocentralit në lumin Devoll, në Republikën e Shqipërisë.        
     
Në mbledhje ishin të pranishëm: Përfaqësuesit e Ministrisë së  Ekonomisë, Tregtisë dhe Energjitikës  Alfred Rushaj, Fation Tugu e Sulejman Xhelepi.

Fillimisht u dëgjuan  dy relatorët e Komisionit për këtë projektligj, deputetët Ilir Bano dhe Flamur Hoxha.

Deputeti Ilir Bano   ftoi  komisionin ta votojë projektligjin pasi koncesionari  po hyn  në një investim të konsiderueshëm dhe afatgjatë me vlerë rreth 1 bilion euro. Nga realizimi i kësaj kontrate do të  ketë përmirësim të sigurisë të furnizimit me energji elektrike, rritje të stabilitetit të  sistemit, zhvillim të tregut të energjisë elektrike, optimizim  të kaskadës së lumit Devoll, rritje të vëndeve të punës,  përfitime ekonomike për  shtetin tonë,  nxitje të investimeve të huaja,  sigurimi i një sistemi  modern  të energjisë  elektrike për Shqipërinë, rritje të bashkëpunimit rajonal dhe një impakt shumë pozitiv mbi ekonominë e vendit.

Relatori i  opozitës  Flamur Hoxha  kishte vërejtje sepse  sipas tij, me këtë kontratë janë shkelur disa nene të Ligjit Për koncesionet.

Përfaqësuesit e Ministrisë  bënë  sqarimet  e duhura  në lidhje me vërejtjet e deputetëve.

Pas diskutimeve, Komisioni me shumicë votash e miratoi në parim  projektligjin dhe u shpreh  dakort për kalimin e tij për shqyrtim në seancë plenare.

                 
Tiranë ë 17.2.2009

(Për më shumë informacion kontaktoni me zyrën e komisionit në numrin: + 355 4 22 78 293).