Kompensim, skema e financave ne vlere monetare
Ministria e Financave ka tashme gati skemen e kompensimit per te permbyturit ne ne zonen e Shkodres. Sipas projektit paraprak mesohet se banesat e demtuara do te kompensohen me 26 mije leke te reja per meter katror, sipas kostos se Entit te Banesave per qytetin e Shkodres, ndersa per objektet e ndertimit me karakter bujqesor, si stalla, hangare etj, kostoja e demshperblimit llogaritet ne 5 mije leke per meter katror. Gjeja e gjalle dhe baza ushqimore per to, do te kompensohet me cmimet e tregut, sipas projektit te financave. Mirepo per te realizuar shperndarjen e fondit ne vlere monetare ministria e Financave ka parashikuar disa hapa qe do te ndiqen per kete qellim. Se pari do te behet evidentimi i te gjitha demeve, sipas nje formulari tip, ne ndertesa banimi, objekte biznesi, objekte sociale dhe publike, orendive dhe pajisjeve elektro-shtepiake, te demeve te shkaktuara ne kultura bujqesore, gjese se gjalle dhe ushqimit te tyre. Hapi i dyte eshte dergimi i formularit te deklarimit prane Komitetit Nderministror, bashke me listen emerore te pronareve te banesave apo objekteve te tjera, shoqeruar me certifikaten e kryefamiljarit dhe dokumentin e identifikimit. Me cmimet e tregut te marra nga Ministria e Bujqesise do te vleresohen edhe demet e shkaktuara ne gjene e gjalle. Vendimi qe po pergatitet nga qeveria ben vleresim edhe per pajisjet elektro-shtepiake, mbeshtetur mbi konstatimin e kryer ne vend nga grupi i evidentimit mbi rregullsine ose jo te tyre, sipas cmimit aktual te marre nga Drejtoria e Pergjithshme e Tatimeve. Grupi i eksperteve do te kete perfaqesues nga te gjitha ministrite dhe per kete qellim do te ngrihet edhe nje fond i vecante ne buxhetin e shtetit, njoftojne burimet nga Ministria e Financave.
Fondet
Demet do te vleresohen ne kendveshtrim shumedimensional, duke perfshire shtepite, pajisjet, bagetite dhe cdo lloj tjeter demi material qe iu krijua. Ne fondin e vecante te Financave do te perfshihen fondet e buxhetit te shtetit, te parashikuara ne fondin rezerve dhe ndihmat qe qeveria dhe institucione te ndryshme kane dhene per perballimin e situates.