Permbytjet, ngrihet grupi i eksperteve per kompensimin
Blerina Hoxha
Qeveria ka vendosur dje, te ngreje grupet e punes per evidentimin dhe vleresimin e demeve te shkaktuara nga reshjet e shiut dhe permbytjet ne qarqet e Shkodres dhe Lezhes. Sipas kryeministrit Berisha i gjithe procesi do te bazohet ne dokumentacionin real, ne foto satelitore qe faktojne permbytjen e banesave, hangareve, stallave, te mbjellave. Kryeministri Berisha beri me dije, se grupet e punes do te jene te perbera nga specialiste qendrore nga Ministria e Puneve Publike, Transportit dhe Telekomunikacionit, Ministria e Bujqesise, Ministria e Ekonomise, Tregtise dhe Energjetikes, Ministria e Brendshme, Ministria e Arsimit dhe Shkences, Ministria e Shendetesise dhe ALUIZNI, por dhe nga specialiste vendore te qarkut te Shkodres e Lezhes, si dhe nga komunat e prekura nga permbytja. Keto grupe do te udhehiqen nga Keshillit i Qarkut perkates, por nje rol te vecante do te luaje edhe Komiteti Nderministror i Emergjences Civile. Nga ana tjeter percakton te gjitha demet e bera ne ndertesa, te reja apo te vjetra, ne stalla, hangare dhe vathe, ne objekte sociale dhe publike, ne orendi shtepiake, pajisje elektro-shtepiake, ne te mbjella, ne gjene e gjalle e bazen ushqimore te tyre. Pasi sqaroi se, ky vendim percakton dhe menyrat e perballimit nga ana financiare te demshperblimit te te gjitha ketyre demeve, kryeministri Berisha theksoi se ky do te jete vleresimi me i ndershem dhe real ku i gjithe ky proces do te bazohet ne dokumentacionin real, ne foto satelitore qe faktojne permbytjen e banesave, hangareve, stallave, te mbjellave, do te bazohet ne regjistrin e matrikulimit te gjese se gjalle, si dhe ne te gjitha te dhenat nga vezhgimet ne vend. Duke e vleresuar si nje vendim qe hap driten jeshile per nje proces shume te rendesishem qe do te bazohet mbi te dhena te ndershme, reale e transparente, kryeministri Berisha theksoi se permes tij percaktohet menyra e ngritjes se grupeve te punes, vleresimi i demeve, por edhe menyrat e perballimit nga ana financiare e demshperblimit te tyre. Kreu i qeverise shtoi se ne lidhje me demtimin e objekteve sociale, kulturore e infrastrukturore do t'u kerkohet ministrive te linjes, te riorientojne fondet buxhetore te percaktuara ne drejtim te kesaj zone. Ndersa ne fondin e vecante te financave do te perfshihen fondet e buxhetit te shtetit te parashikuara ne fondin rezerve dhe ndihmat qe qeveria dhe institucione te ndryshme kane dhene perballimin e situates. Qeveria dhe Ministria e Financave, ende nuk kane nje fature per demet e krijuara ne zona, pasi vleresimi pritet te behet ne nje faze te dyte pas emergjences, fature e cila do te dale nga grupi punes, i cili eshte ngritur sot.