Konference per integrimin

E premte 09 Mars 2012 1220 TRYEZA RAJONALE PER INTEGRIMIN Konferenca e Komisioneve Parlamentare te Integrimit Evropian me perfaqesues nga i gjithe rajoni eshte shfrytezuar nga ambasadoret me te rendesishem te akredituar ne Tirane per ti bere apel klases politike shqiptare te vazhdoje me reformat per hir te integrimit. Ambasadori i BE-sew Ettore Sequi ka perseritur se 12 rekomandimet duhet te jene ne qender te axhendes se klases politike shqiptare. Lista e 12 prioriteteve perben nje kusht per te ecur perpara ne procesin e integrimit. Jane bere perparime por mbeten ende gjera per tu bere. Ne kete proces duhet te kete angazhim te plote dhe te sinqerte. Intensifikoni dialogun me takime te ngjashme dhe beni progres perpara ne rrugetimin tuaj drejt BE eshte shprehur Sequi. Nderkohe qe diplomati i OSBE Eugen Wollfarth ka theksuar rendesine e zbatimit te ligjeve duke deklaruar se nuk jane copezat e mencura te letrave legjislative ato qe sjellin ndryshimin por eshte zbatimi i tyre i plote. Ambasadori i OSBE eshte ndalur edhe tek reforma zgjedhore duke kerkuar vullnet politik per ta permbushur kete angazhim. Reforma zgjedhore ne cfaredolloj vendi perben nje nga reformat me vendimtare per zhvillimin e metejshem demokratik per kete mund te biem te gjithe dakord. Kjo eshte edhe arsyeja per te cilen them me kenaqesi se reforma eshte ne proces e siper ne parlamentin shqiptar. Shfrytezoj rastin ti inkurajoj fort te gjithe aktoret e interesuar qe te mbeshteten tek praktika pozitive aktuale. Edhe nje here i kthehem faktit se ekzistenca dhe vazhdimesia e vullnetit politik dhe besimit reciprok mes aktoreve kombetare eshte jetesore qe reforma te finalizohet ne menyre shteruese dhe ne kohen e duhur eshte shprehur Wollfarth. Nderkaq perfaqesuesit e klases politike shqiptare kane theksuar angazhimin ne rrugen e integrimit. Sipas kryetares se Kuvendit Jozefina Topalli nuk ka hapa pas ne procesin drejt BE nderkohe qe kreu i Komisionit te Integrimit Ditmir Bushati ka nenvizuar rendesine e bashkepunimit rajonal ne procesin e integrimit. Kjo tryeze uli per here te pare ne Tirane edhe delegacionet e Parlamentit te Kosoves dhe te Serbise pas marreveshjes se arritur pak dite me pare marreveshje qe i dha Serbise statusin e vendit kandidat ne BE dhe i celi Kosoves rrugen per te hedhur hapat e saj fillestare drejt unionit.

Komente

Facebook