Konja: Akuzat e PS, te paverteta

Ministria e Brendshme pergenjeshtroi diten e djeshme informacionet, si te paverteta qe Partia Socialiste shperndan per opinionin publik, ne lidhje me procesin e leternjoftimeve elektronike. Nepermjet nje deklarate per shtyp, zedhenesi i kesaj Ministrie, Fatmir Konja reagoi ndaj deklarates te bere nga sekretarit per Ceshtjet Zgjedhore ne Partine Socialiste, Kastriot Islami, duke theksuar se procesi po funksionon me kapacitetin e tij maksimal. Partia me e madhe ne opozite prej disa ditesh, shpreh shqetesimin e saj ne lidhje me procedurat qe po ndiqen per pajisjen e shtetasve pa pasaporte me leternjoftime, qe sipas tyre rrezikon procesi, pasi numri i aplikuesve eshte shume i ulet. Nderkaq, sipas Ministrise se Brendshme, deri me daten 22 maj kane aplikuar 1 milion e 50 mije shtetas, prej te cileve 420 000 nga grupi i atyre pa pasaporte. Ne kuader te informimit te opinionit publik, kjo Ministri sqaron se jane prodhuar 890.000 leternjoftime, 520.000 prej te cileve jane terhequr tashme prej qytetareve. Duke e trajtuar ceshtjen e pajisjeve se shtetasve pa pasaporte si prioritet i punes se Ministrise se Brendshme, Konja u ben thirrje qytetareve, te paraqiten per te terhequr leternjoftimet e prodhuara. "Ministria e Brendshme pergenjeshtron deklaratat e paverteta te Partise Socialiste, per mungese informacioni per listat e qytetareve pa pasaporte, pasi ky informacion i eshte derguar ne menyre periodike perfaqesuesve te Partise Socialiste, qe nga fillimi i procesit", reagoi ndaj deklarates se selise roze, Fatmir Konja. Ne shqetesimin e shprehur nga partia me e madhe ne opozite per ceshtjen e leternjoftimeve eshte dhe mungesa, sipas kesaj partie, e listes se rifreskuar te shtetasve pa pasaporte. Por Ministria e Brendshme e mohon kete fakt, duke sqaruar se listat emerore e rifreskuar e personave pa pasaporte, i eshte derguar Partise Socialiste ne daten 5 maj 2009, ndersa informacioni me i fundit per procesin, i eshte derguar ne daten 20 maj 2009. "Cdo korrespondence dhe informacion i derguar, mund te gjendet gjithashtu ne faqen elektronike zyrtare te Ministrise se Brendshme", shpjegon zedhenesi i kesaj Ministrie. Konja shprehu shqetesimin pasi Partia Socialiste ka dhunuar ligjin per Mbrojtjen e te Dhenave Personale, duke ia dhene keto informacione zyrtare personave te paautorizuar dhe duke i perdorur ne ambiente te hapura publike. "Ministria e Brendshme rikonfirmon edhe njehere, se askush nuk do te mbetet pa u pajisur me leternjoftimin elektronik", siguroi Fatmir Konja.

THIRRJA

"Cdo qytetar shqiptar, qe do te paraqitet per t'u pajisur me leternjoftimin elektronik, i ka te gjitha kushtet e garantuara per ta marre kete dokument brenda 10 ditesh, nga data e aplikimit", deklaroi zedhenesi i Ministrise se Brendshme, Fatmir Konja.

APLIKIMI

Deri me daten 22 maj kane aplikuar 1 milion e 50 mije shtetas, prej te cileve 420 000 nga grupi i atyre pa pasaporte. Ministria e Brendshme sqaron se jane prodhuar 890 000 leternjoftime, 520 000 prej te cileve jane terhequr tashme prej qytetareve.