Konkurset te arkitektura dhe Artet nen monitorimin e MASH Eljona Ballhysa
Diten e hene ne daten 2 shtator nis zhvillimi i konkurseve per pranimet ne disa universitete te vendit. Sipas udhezimit te Ministrit te Arsimit konkurse do te zhvillohen per pranimet ne Universitetin e Arteve te Tiranes, ne Universitetin e Sporteve ne Tirane, ne Universitetin e Arkitektures ne Tirane, si dhe ne Universitetin e Arteve ne Shkoder, Universitetin “Luigj Gurakuqi” ne Shkoder ne degen e Edukimit Fizik dhe Sporte, ne Universitetin “Aleksander Xhuvani”, ne Elbasan ne degen e Edukimit Fizik dhe Sporte si dhe ne Universitetin “Aleksander Moisiu ne Durres per deget e FASTIP. Per kete qellim Ministria e Arsimit ka ngritur nje grup pune per koordinimin dhe mbarevajtjen e zhvillimit te konkurseve. Drejtoresha e grupit te punes, Edlira Late ben te ditur per gazeten se Ministria e Arsimit do te luaje rolin e koordinatorit per mbarevajtjen e konkurseve, nderkohe qe organizimi i konkurseve eshte nen pergjegjesine e vete Universiteteve. “Ne do te qendrojme te gatshem per te monitoruar mbarevajtjen e konkurseve qe do te nisin ne daten 2 shtator dhe do te perfundojne ne daten 6 shtator. Ne baze te udhezimit te ministrit, Ministria e Arsimit monitoron procesin dhe koordinon bashkepunimin mes universiteteve dhe Agjencise Kombetare te Provimeve. Ne nuk nderhyjme pasi organizimi i konkurseve eshte pergjegjesi e universiteteve qe i zhvillojne”, ka bere te ditur drejtoresha Late. Nderkaq drejtuesit e universiteteve bejne te ditur se gjithcka eshte gati per zhvillimin e konkurseve. Dekani i Fakultetit te Arkitektures Andrea Maliqari ben te ditur se konkursi do te zhvillohet ne datat 3 dhe 4 shtator ne Pallatin e Kongreseve. “Konkursi i Arkitektures do te zhvillohet diten e marte dhe te merkure. Jane regjistruar gjithsej 314 studente, nder te cilet 294 jane nga shkollat shqiptare dhe pjesa tjeter nga trojet. Eshte bere shpallja e listes se kandidateve. Ne daten 3 te Pallati i Kongrese behet hyrja e studenteve ne oren 8. Provimi nis ne oren 10 dhe zgjat deri ne oren 14.00. Dy seancat e para zgjasin nga 2 ore secila, ndersa vizatimi ne natyre, vendi sigurisht qe eshte sekret vendi, zgjat 7 ore”, eshte shprehur Maliqari, i cili ben te ditur se nuk ka asnje hapesire qe maturantet te mund te kopjojne gjate konkursit. Edhe rektori i Universitetit te Arteve, Petrit Malaj ben te ditur se jane marre te gjitha masat per mbarevajtjen e konkursit ne kete universitet. “Numri i kandidateve kete vit eshte me i larte se vitet e tjera. Jane mbi 340 kandidate qe konkurrojne per te gjitha deget. Ndersa kuotat jane 264. Perzgjedhja do te jete shume e forte, pasi konkurrimi eshte individual. Ne rast se kandidati nuk arrin pragun prej 60 pikesh nuk ka asnje shans qe te fitoje”, eshte shprehur Malaj.
Perqindja e pikeve, nga matura dhe konkursi
Sipas udhezimit te Ministrise se Arsimit te gjithe maturantet qe i nenshtrohen konkurseve duhet te kene nje perqindje te caktuar pikesh, nje pjese te te cilave i mbartin nga provimet e Matures Shteterore dhe nje pjese nga testimi ne konkurset perkatese. “Ne Universitetin e Arteve te Tiranes dhe ne Akademine e Arteve ne Shkoder, rezultatet e shkolles se mesme (nota mesatare e viteve te shkollimit dhe gjithe provimet e Matures Shteterore), do te llogariten ne masen 30 % dhe rezultatet e konkursit te pranimit ne masen 70 %. Ne Universitetin e Sporteve te Tiranes rezultatet e shkolles se mesme (nota mesatare e viteve te shkollimit dhe gjithe provimet e Matures Shteterore), do te llogariten ne masen 50 %, kurse rezultatet e konkursit te pranimit ne masen 50%. Ne Universitetin Politeknik te Tiranes, ne programet e studimit “Arkitekture” dhe “Arkitekture-Urbanist”, rezultatet e shkolles se mesme, do te llogariten ne masen 40 %, kurse rezultatet e konkursit te pranimit ne masen 60 %”, shkruhet ne udhezim.