Kontroll dosjeve ne gjykata

Tirane Flet Kreshnik Spahiu, numri dy i KLD-se: Si do bejme reformen ne drejtesi
Dosjet ne gjykata dhe vendimet e dhena prej gjyqtareve do te kontrollohen. Keshilli i Larte i Drejtesise ka vendosur ngritjen e nje grupi me 13 inspektore, te cilet do te drejtohen nga gjyqtarja Valbona Vata. Nenkryetari i KLD-se, Kreshnik Spahiu, ka zbardhur dje detaje te kesaj nisme, qe ben pjese te fushata e reformes ne drejtesi. Por nje prej shkaqeve te ngritjes se stafit me 13 specialiste jane dhe ankesat e shumta te qytetareve. “Mesatarisht numerohen 10 ankesa qytetaresh per pakenaqesi ne gjykime apo vendime. Nuk do te lihen pas dore edhe shkrimet ne media”, tha dje numri dy i “Qeverise se Drejtesise”. Madje, Spahiu konfirmoi se grupi i inspektoreve do te drejtohet nga gjyqtarja Vata dhe do zbarkoje ne gjykatat e rretheve per te verifikuar te gjitha pretendimet dhe shkeljet e mundshme.
“Momentalisht do te verifikohen ankesat qe jane bere dhe puna e gjyqtareve. Por ne momentin qe do te merret nje ankese, ky grup i ngritur shkon menjehere ne gjykate per te kryer verifikimin”, shpjegoi Spahiu per proceduren e punes se inspektoreve. Ai ka zhvilluar edhe nje takim me disa prej perfaqesuesve te grupit te inspektoreve, te cilet i ka njohur me nismen e re te monitorimit e kontrollit te punes se gjyqtareve. Objekt i inspektimeve nuk do te jene vetem Gjykatat e Shkalleve te Para, por edhe ato te Apelit. “Grupi do te perbehet nga 13 inspektore dhe ne krye te tyre qendron kryetari”, u shpreh nenkryetari i KLD-se. Ky grup eshte ne varesi te institucionit dhe ka per objekt kontrollin per cka u lejon ligji ne inspektimin e gjyqesorit, disiplinen si dhe etiken e perdorur.
Pas zhvillimit te dy tryezave per reformen ne drejtesi, organi i KLD-se ka marre iniciativen te deklaroje nje prej zgjidhjeve qe mund te parandalojne apo godasin abuzimet dhe korrupsionin ne gjyqesor. “Ky grup do te merret me vleresimin e punes se gjyqtareve, veprimtarine e tyre, shkeljet e disiplines dhe etiken. Ne nje fare menyre, fati i reformes ne pushtetin gjyqesor, apo i luftes kunder fenomeneve negative varet nga suksesi dhe veprimtaria e punes se tyre”, tha Spahiu. Te gjitha dosjet e gjykuara gjate kesaj periudhe do te jene nje prej objekteve te kontrollit te 13 inspektoreve, te cilet do te vleresojne procedurat e ndjekura ne gjykim, vendimet e dhena dhe pushimet e ceshtjeve.
Grupi i inspektoreve perbehet nga 13 persona
Kryesues i grupit do te jete Valbona Vata
Mandati i grupit eshte 5 vjet
Kompetencat jane shqyrtimi i ankesave te qytetareve, kontrolli ne gjykatat e rretheve e Tirane
Grupi ka te drejte te propozoje masa dhe vleresime per punen e gjyqtareve e te jape konkluzione
Vendimet per masat ndeshkimore jane kolegjiale
Karriera e gjyqtareve, ne doren e inspektoreve
Grupi i inspektoreve do te kete nje mandat 5-vjecar dhe do i behet vleresimi ne faza te ndryshme nga drejtuesit e Keshillit te Larte te Drejtesise. Kompetenca e tyre eshte investigimi per procedurat e ndjekura nga gjyqtaret per ceshtje te vecanta dhe verifikimi i ankesave te qytetareve. Po per gjyqtaret nese vertetohen shkeljet, sipas nenkryetarit te KLD-se, nuk do te mungojne masat administrative deri ne largim nga detyra. “Rezultatet, konkluzionet e grupit te punes se inspektoratit, do arrijne maksimumin e mundshem, qe do te thote se ata kane te drejte te bejne vleresimin e punes edhe promovimin e gjyqtareve per pune te mire e deri ne shkarkimin e gjyqtarit per shkelje te disiplines, apo kur ka pamjaftueshmeri profesionale”, sqaroi Spahiu.
Propozimet per masa, vendimi kolegjial
Kontrolli mbi punen e gjyqtareve ne vendin tone do t’i jape rruge edhe reformes ne drejtesi. Grupi hetimor i sapongritur ka te drejten qe ne fund te kontrolleve te propozoje masa ndeshkimore ndaj gjyqtareve. Me pas do te jete nje vendimmarrje kolegjiale mbi lenden e pare qe paraqit ky inspektorat. Ne institucion do te vendoset edhe fati i gjyqtareve, te cileve u eshte konstatuar mangesi ne gjykimet e ceshtjeve te ndryshme.