Konuzin: Ndihmat ruse, nesër në Mitrovicë

Lajme pozitive sa i takon kalimit të ndihmave ruse për serbët në Kosovë. Lajmin e konfirmon ambasadori rus në Serbi, Aleksandar Konuzin, ndërsa nesër në mëngjes do të kalojë autokolona për në Mitrovicë.

Ndër të tjera, ambasadori rus ka shpjeguar se plani është ndërtuar në trekëndëshin Moskë Beograd dhe përfaqësuesit e serbëve të Kosovës. Për këtë plan ai tha se  ka pasur edhe kontakte me BE-në dhe me delegacionin rus në Bruksel.