Vetëvaret 72-vjeçari, shkak depresioni

I ka dhënë fund jetës ditën e sotme në Librazhd një 72-vjeçar, duke u vetëvarur. Ngjarja ka ndodhur në fshatin Rajcë, ku i moshuari Ismail Cuku është gjetur i vetëvarur në një kasolle bagëtish.

Nga informacionet më të fundit të uniformave blu, mësohet se këtë akt të rëndë, Cuku e ka kryer për shkaqe depresive.

Për të afërmit e familjes, skena ka qenë tepër tragjike, pasi kanë parë viktimën të varur vetëm pak metra larg banesës ku ai jetonte. Policia ndërkohë ka nisur hetimet, për të zbardhur këtë ngjarje.