Korce gjendet ne kazan mbeturinash nje foshnje e pajete

Gjendet në një kazan mbeturinash në qytetin e Korçës një foshnjë e pajetë.

Në orët e para të mëngjesit të sotëm,është gjetur nga kalimtarë të rastit,në lagjen 4 të qytetit, në një kazan mbeturinash trupi i pajetë i një foshnje të seksit mashkull.

Policia e Korçës e cila filloi hetimet për ngjarjen bëri të ditur se foshnja ishte e sapolindur dhe sot në orët e para të mëngjesit ishte braktisur dhe hedhur në një kazan mbeturinash.

Pritet që nga hetimet të zbardhet edhe nëna që ka braktisur foshnjën si dhe motivet që e çuan drejt këtij akti.