Kosova bëhet gati për të mbrojtur pavarësinë në GJND

Kosova po bën përgatitjet e fundit për t'u përballur me Serbinë në Gjykatën Ndërkombëtare të Drejtësisë, e cila do të shqyrtojë legjitimitetin e pavarësisë së Kosovës.
Seanca e parë do të nisë më 1 dhjetor dhe të dyja palët do të kenë në dispozicion nga tre orë secila për të paraqitur argumentet e tyre.
Ministria e Jashtme e Kosovës ka deklaruar se ka hartuar përgatitjen e saj, por nuk ka bërë të ditur se cili do të jetë personi që do të përfaqësojë Prishtinën në këtë proces.