“Kosova, nje moment uniteti per politiken shqiptare”

"Kosova perben nje moment uniteti dhe jo ndarjeje ne jeten politike te Shqiperise", deklaroi dje anetarja e delegacionit te perhershem te Kuvendit te Shqiperise, prane Asamblese Parlamentare te OSBE-se ne Vjene, Arta Dade. Ne kuader te Takimit te Shtate te Dimrit te kesaj Asambleje, dje u mbajt nje debat per Kosoven, bejne te ditur burime nga PS. Gjate fjales se saj, Dade vleresoi se shpallja e pavaresise se Kosoves eshte nje ngjarje qe shenon mbylljen e nje faze konfliktuale ne hapesiren e ish-Jugosllavise dhe fundi i tranzicionit ne kete vend, pas luftes se vitit 1999. “Shqiperia ka luajtur nje rol te moderuar dhe larg linjave te nacionalizmit arkaik, pasi ne shqiptaret e kemi konsideruar gjithmone veten pjese dhe kontribuues te nje procesi stabilizimi", theksoi ajo. Sipas Dades, zhvillimet e sotme ne Kosove mbajne brenda perspektiven per ndertimin e nje shteti te bazuar mbi multietnicitetin, respektimin e te drejtave dhe standardeve te shoqerive demokratike si dhe deshiren per nje afrim te shpejte me familjen euroatlantike. Duke u ndalur tek qendrimet e klases politike shqiptare, Dade theksoi se ajo ka nje perceptim mjaft te unifikuar lidhur me ecurine e proceseve ne Kosove. Jemi pjese e nje koncepti te perbashket, i cili beson tek shansi historik qe u eshte dhene qytetareve te Kosoves, per te krijuar shtetin e tyre te pavarur, por edhe per te provuar se skepticizmi i nje pjese te bashkesise nderkombetare do te rezultoje i pavend dhe i gabuar.