“Rusia te ndryshoje skemen per Ballkanin”

Shkrimtari i njohur shqiptar, Ismail Kadare, ne nje interviste te dhene per “Zerin e Amerikes” ka terhequr vemendjen ndaj protestave te dhunshme te serbeve per sa i perket pavaresise se Kosoves, ndersa ka kerkuar qe Rusia te ndryshoje skemen qe po perdor per Ballkanin. “Rusia duhet te jepte nje ndihme, t’u thoshte serbeve per te miren e tyre te pranoheshin ne kete psikoze revanshiste. Nga nje psikoze e tille nuk del asgje. Thuhet se Rusia ka interesat e saj etj., kjo eshte tjeter pune, por mendoj se ky qendrim jo konstruktiv, jo ndertues i Rusise nuk i shkon asnje vendi, aq me teper nje vendi te madh”, nenvizoi dje Kadare. Per sa i perket shpalljes se pavaresise si dhe rolit qe do te kete Kosova ne arenen diplomatike dhe situaten ne Ballkan, Kadare ka pershendetur qendrimin e politikaneve kosovare. “Mendoj se qendrimi i Kosoves ne pergjithesi, i shqiptareve i lidereve te saj, institucioneve keto dite kaq qene shume pozitiv, gjakftohte, nje qendrim i cili bazohet vertet ne idene e nje te ardhme ne paqe, pa lufte, ne miqesi me fqinjet e tjere, duke perfshire dhe serbet qe jane ne kufi dhe serbet qe jane brenda ne Kosove”. Sipas tij, ka qene vertet se e ka admiruar qendrimin gjakftohte te shqiptareve. “Nuk ka pas asnje thirrje revanshi as thirrje per hakmarrje, sic eshte krijuar legjenda e hakmarrjes se famshme se shqiptaret tashme do t’iu vene zjarrin manastireve serbe do te hakmerren sa te gjejne rastin. Por, asnje gje e tille nuk ka ndodhur. Keto profeci te erreta nuk u vertetuan dhe kjo eshte nje gje shume e gezueshme per shqiptaret dhe per te gjithe ballkanasit duke perfshire dhe serbet”, perfundoi Kadare