Kosovari Premton Muja te kampionet e Shqiperise

Ne seancen stervitore te dites se enjte, qe u zhvillua ne stadium, te sportdashesit elbasanas ra ne sy nje futbollist i ri mjaft i levizshem dhe i shkathet ne veprimet e tij sulmuese. Dikush menjehere i vuri nofken "Arusha e vogel", pasi ishte kopja e Skerdi Bejzades, te pakten nga paraqitja e jashtme. Interesant ishte fakti se ky djalosh, kosovari Premton Muja, kishte ardhur ne Elbasan i propozuar pikerisht nga Bejzade per t'u provuar te verdheblute. Pershtypjet e para per te ishin mjaft pozitive, duke merituar duartrokitjet e sportdashesve ne disa raste. Dhe keto vleresime ai i fitoi me shume per aftesite e tij, sesa si "sozia" e Bejzades, qe ka lene gjurme te pashlyera te fansat elbasanas. Flokegjati 21-vjecar, Muja, ka luajtur me Gjilanin ne kampionatin kosovar, por ne Elbasan erdhi nga Cekia, ku eshte aktivizuar per dy sezone te nje skuader e kategorise se dyte te ketij vendi me futboll te zhvilluar.