Kosovari i grabit Kraisler-in patriotit te tij

Librazhd- I grabiti makinen luksose bashkatdhetarit me ane te mashtrimit, shpallet ne kerkim kosovari. Ngjarja ze fill qe ne daten 24 gusht ne qytetin e Librazhdit. Shtetasi Burim Piskalla, 28 vjec me banim ne Sllatine te Madhe ne Kosove, ka marre ne perdorim automjetin me targe XLT 589 te markes Kraisler ne pronesi te shtetasit Elham Lika, 34 vjec, lindur ne Kacanik e banues ne Suedi, kundrejt nje kontrate te shkruar ne kete qytet ne shumen prej 7000 euro. Sipas kesaj kontrate, likuidimi i te hollave do te kryhej ne daten 28 gusht ne Kosove. Por pasi ka marre mjetin, 28 vjecari nga Sllatina eshte zhdukur ne drejtim te paditur, duke mos i dhene shitesit as mjetin dhe as shumen e fiksuar ne cmim. Pasi eshte interesuar ne Kosove, shtetasi Elham Lika eshte adresuar qe te interesohet ne Librazhd per kete ceshtje, atje ku kishte nenshkruar edhe kontraten per shitjen e mjetit. Nje dite me pare, 34 vjecari me banim ne Suedi, eshte paraqitur ne policine e ketij qyteti, ku ka kryer kallezim penal per shtetasin Burim Piskalla. Pas marrjes se denoncimit, sherbimet e policise ne Elbasan kane shpallur ne kerkim kete shtetas, duke njoftuar edhe strukturat perkatese. Nga verifikimet e kryera rezulton se Elham Lika ka hyre ne Shqiperi bashke me automjetin e tipit Kraissler ne daten 5 gusht 2009. Ndaj "bleresit" eshte ngritur ceshtja penale e grabitjes me ane te mashtrimit.

Fatos Salliu