"Petro Nini" i amortizuar, nxenesit nuk dihet se ku do mesojne

Shkollat e kryeqytetit nuk plotesojne kushtet e duhura te higjienes apo te ambienteve per shkak se jane te amortizuara, dhe kjo mund te coje ne mbyllje te tyre. Ne kete prag fillimi te vitit akademik, nga inspektimet e bera nga Drejtoria e Higjienes ka rezultuar se jane 4 shkolla ne kryeqytet u rrezikohet viti i ri shkollor. "Petro Nini", "Ahmet Gashi", "Bajram Curri" e "Kole Jakova" nuk permbushin kushtet higjeno-sanitare. Perfundimi eshte i Institutit te Higjienes, pas inspektimeve te vazhdueshme te kryera ne keto institucione. "Petro Nini", nje prej gjimnazeve me numrin me te madh te nxenesve dhe prej me te njohurve ne Tirane, eshte amortizuar edhe per shkak se vitin e shkuar ne te, ndoqen studimet edhe studente te Fakultetit te Drejtesise. Sipas drejtuesve te kesaj shkolle pritet rikonstruksioni i saj, por se kur do te filloje ai ende nuk eshte percaktuar asnje gje. Nderkohe qe mesimi ne kete shkolle do te filloje ne daten 15 shtator. "Une kam te pakten 3 vite drejtoreshe e kesaj shkolle dhe gjithmone me eshte kerkuar rikonstruksioni, por se kur do te ndodhe ai ende nuk dihet. Jemi ne dore te bashkise se Tiranes dhe kjo e fundit do te percaktoje fondin dhe kohen e punimeve" eshte shprehur per gazeten "Koha Jone", Diana Kalemi drejtoreshe e shkolles, "Petro Nini". Sipas saj, punimet nuk duhet te fillojne ne kete fillimviti pasi per here te pare futen klasat e dhjeta dhe kjo do te krijonte konfuzion. Pas orientimit te pare te ketyre nxenesve, drejtuesit e ketyre shkollave presin urdhrin e Drejtorise Arsimore te Tiranes per zhvillimin e mesimit ne klasa dhe shkolla te tjera perreth. Nderkohe nje tjeter fakt qe ka dale ne pah gjate inspektimeve eshte se jane kryesisht shkollat e periferise ato qe nuk plotesojne kushtet e duhura per nxenesit.