Kosovë/ Fitou: Statusi dhe territori nuk negociohen
Duke paralajmëruar një fazë të re për Kosovën, atë të dialogut me Serbinë, ambasadori francez në Kosovë, Jean Fraçois Fitou ka bërë të ditura se çështjet për të cilat nuk do të ketë bisedime janë ndryshimi i kufijve, shkëmbimi i territoreve dhe statusi i Kosovës.
Në një intervistë për të përditshmen "Koha Ditore", ambasadori francez thekson se Prishtina e Beogradi kanë një listë të gjatë temash për të cilat do të mund të bisedonin si për ekonominë, doganat, ujin, energjinë elektrike etj.
Fitou ka sqaruar se nuk ka kërkuar autonomi të veçantë për veriun e Mitrovicës, siç është përfolur ditë më parë deklarata e tij, por sipas tij ai ka përdorur një lloj shprehje që nuk është përkthyer mirë as në gjuhën angleze, as në gjuhën shqipe.
Duke folur për opinionin këshillëdhënës të GJND-së për ligjshmërinë e pavarësisë së Kosovës pesë ditë para shpalljes, ambasadori francez shpreh besimin se ai do të jetë në favor të qytetarëve të saj.
Në një intervistë për të përditshmen "Koha Ditore", ambasadori francez thekson se Prishtina e Beogradi kanë një listë të gjatë temash për të cilat do të mund të bisedonin si për ekonominë, doganat, ujin, energjinë elektrike etj.
Fitou ka sqaruar se nuk ka kërkuar autonomi të veçantë për veriun e Mitrovicës, siç është përfolur ditë më parë deklarata e tij, por sipas tij ai ka përdorur një lloj shprehje që nuk është përkthyer mirë as në gjuhën angleze, as në gjuhën shqipe.
Duke folur për opinionin këshillëdhënës të GJND-së për ligjshmërinë e pavarësisë së Kosovës pesë ditë para shpalljes, ambasadori francez shpreh besimin se ai do të jetë në favor të qytetarëve të saj.