Kosovë/ Thaçi: Zgjedhjet e 15 nëntorit, test dhe sprovë e madhe

Zgjedhjet e para të lira dhe demokratike në Kosovën e pavarur janë një test dhe sprovë e madhe për vendin dhe institucionet e tij, tha sot kryeministri Hashim Thaçi në mbledhjen e qeverisë.
"Zgjedhjet lokale të 15 nëntorit janë një test dhe sprovë e madhe për të gjithë ne. Dhe, në fund të këtij procesi elektoral, demokratik, fitues duhet të jemi të gjithë", theksoi ai.
Në emër të qeverisë së Republikës së Kosovës, kryeministri Thaçi ka përgëzuar të gjithë spektrin politik kosovar për fillimin e mbarë të fushatës elektorale.