Kosovë: Viti 2009 në këndvështrimin e Presidentit Sejdiu dhe pritshmëria për 2010- ën

Presidenti i Kosovës, Fatmir Sejdiu tha në një intervistë ekskluzive për Zërin e Amerikës se debatet rreth zgjedhjeve lokale të cilat karakterizuan fundin e vitit 2009, nuk e dëmtojnë qeverisjen në vend. Në intervistën dhënë korrespondentit tonë në Prishtinë, Besim Abazi, ai tha se në vitin që po vjen, Kosovën e presin shumë sfida përfshirë forcimin e sundimit të ligjit, shtimin e njohjeve për Kosovën dhe integrimin e saj në strukturat euroatlantike.