Kosovë, dy shpërthime të fuqishme në veri

Dy shpërthime të fuqishme tronditën sot veriun e Kosovës, në Mitrovicë. Mediat njoftojnë se shpërthimet ndodhën rreth orës 04 20 minuta të mëngjesit të sotëm jo shumë larg ndërtesës së gjykatës. Banorët e banesave pranë vendit ku ndodhi shpërthimi njoftuan për ngjarjen.

Zëdhënësi i Shërbimit policor të Kosovës për veriun e Kosovës, Besim Hoti tha se policia nuk kishte të dhëna zyrtare për të lënduar apo dëmtime, por kishte informacion se shpërthimi ishte dëgjuar në mëngjes.

Mediat që i referohen burimeve të ngushta pranë policisë thotë se shpërthimi mund të jetë shkaktuar nga një tritol i përbërë nga një sasi e madhe baruti. (INA)