Kosovë, hetohet deputeti i PDK-së Shaip Muja
Agjencia Kundër Korrupsionit në Kosovë ka nisur hetimet për deputetin e PDK-së Shaip Muja.
Lajmi bëhet i ditur nga mediat kosovare të cilat theksojnë se ish-këshilltari i kryeministrit të Kosovës Hashim Thaçi, Muja është duke u hetuar për konflikt interesi.
Drejtori i Agjencisë Kundër Korrupsionit në Kosovë Hasan Preteni, ka theksuar për mediat kosovare se hetimet po vijojnë normalisht ndërsa shton se deputeti Muja është duke bashkëpunuar me agjensinë.