Kosovë, mbërrijnë trupat shtesë të KFOR-it

Në Aeroportin e Prishtinës, sot rreth orës 18.00 ka mbërritur kontigjenti i parë i forcave plotësuese të KFOR-it për të ndihmuar misionin në veri, pas trazirave të fundit.
Sipas njoftimeve të KFOR-it, në aeroport ka mbërritur avioni i parë me pjesëtarët e forcave rezerve ushtarake nga Gjermania dhe Austria.
Forcat shtesë mbërrijnë me kërkesë të komandantit të misionit të KFOR-it, gjeneralit gjerman Erhard Byhler. Rreth 700 trupa ushtarake shtesë do të jenë për Kosovën, prej të cilëve 550 nga Gjermania dhe 150 ushtarë nga Austria.