Kosovë, nuk ka epidemi, por duhet kujdes

Prishtinë - Pavarësisht se deri më tani Kosova nuk është përfshirë nga ndonjë epidemi gripale me temperaturat që e kanë pushtuar atë gjatë kohëve të fundit, rreziku i saj nuk përjashtohet. Specialistët e shëndetësisë shprehen se gjendja po përcillet me kujdes të veçantë, duke pasur parasysh rrezikun e paraqitjes eventuale të gripit të shpendëve dhe mundësinë e shpërthimit të gripit pandemik. Sa i përket situatës epidemiologjike, ata shpjegojnë se Instituti Kombëtar përcjellë me vëmendje ecurinë e shfaqjes eventuale të gripit në Kosovë, përmes 6 instituteve rajonale.