Kosovë, shpallen rezultatet përfundimtare të regjistrimit

Në Kosovë pritet të shpallen sot rezultatet përfundimtare të regjistrimit të popullsisë, të realizuar në vitin 2011.
 

Rezultatet do të publikohen në konferencën ndërkombëtare “Regjistrimi i Popullsisë dhe Banesave në Kosovë”, që mbahet në Prishtinë dhe organizohet nga Agjencia për Statistika e Kosovës dhe Zyra e Bashkimit Evropian në Kosovë.
 

Përveç paraqitjes së raportit të plotë dhe të detajuar për regjistrimin, mësohet se në konferencë do të mbajnë fjalën zyrtarë të lartë të Eurostat-it, të Divizionit për Statistika të Kombeve të Bashkuara, zyrtarë të Kosovës dhe të zyrës së BE-së.