Krasniqi: Raportet BE-Kosovë, pengesë 5 vendet e unionit

Austria, si dhe shtetet e tjera të BE-së, janë të interesuara për perspektivën evropiane të vendeve të rajonit të Ballkanit Jugperëndimor. Ka qënë ky premtimi i dhënë nga kryetarja e Këshillit Nacional të Parlamentit të Republikës së Austrisë, Barbara Prammer, gjatë takimit të mbajtur me Kryetarin e Kuvendit të Kosovës, Jakup Krasniqi.

Krasniqi ka theksuar se pengesë serioze e bashkëpunimit të gjithanshëm të Kosovës me BE-në, është mosnjohja nga pesë vende të këtij unioni.

Prammer i ka thënë më tej  kryeparlamentarit Krasniqi se Austria do të vazhdojë ta mbështesë Kosovën në të gjitha drejtimet, veçanërisht në zhvillimin ekonomik dhe proceset integruese në BE.