Kreret lokale te PS terheqin materialet e votimit
Angazhimet ne Partine Socialiste per zgjedhjet per kryetarin e kesaj partie me 26 shtator, kane sjelle takime dhe levizje te ndryshme brenda selise roze. Keshtu, kur mbeten vetem pak dite nga zgjedhjet ne parti, ne partine me te madhe ne opozite jane paraqitur paraditen e djeshme kryetaret dhe sekretaret e degeve te partise, te te gjithe Shqiperise. Zyrtaret lokale, jane paraqitur ne zyrat e Partise Socialiste dhe kane terhequr prej saj materialet, te cilat nevojiten per procesin e votimit. Ne listen e materialeve jane marre ne dorezim fletet e votimit, e cila perbehet nga dy emra, kryetari ne detyre i selise roze, Edi Rama dhe anetari i Asamblese Kombetare te kesaj partie, Maqo Lakrori. Bashkengjitur fleteve te votimit jane dhene dhe listat e anetaresise per secilen. Ne total llogariten rreth 83 mije anetare sipas listes zyrtare. Votimi do kryhet me 26 shtator nga ora 8:00 deri me 16:00. Pas mbylljes se procesit te votimit do te kryhet procesi i numerimit, nderkohe qe komisionet tashme jane te ngritura. Por, ky nuk eshte i vetmi angazhim i kesaj partie per procesin zgjedhor. Kryetari ne detyre i Partise Socialiste, Edi Rama, ka zhvilluar dje takime ne seline roze, gjate gjithe paradites me deputetet socialiste. Burime gjate takimit me liderin socialist ne detyre bejne me dije se jane keshilluar qe te shkojne ne baze per te qendruar afer socialisteve. Gjithashtu, jane porositur qe te inkurajojne socialistet te marrin pjese ne procesin e votimit per kryetarin e ardhshem te Partise Socialiste. Sipas te njejtave burime, mesohet se jane udhezuar tu shpjegojne socialisteve te thjeshte arsyet e bojkotit te Kuvendit. D.Dedej