Kreu i KQZ: Kutitë hapen vetëm për të djegur fletët e votimit

Destinacioni i vetem ligjor i fleteve te votimit te 28 qershorit nese kutite hapen, eshte djegia e tyre. Keshtu u shpreh kryetari i Komisionit Qendror te zgjedhjeve Arben Ristani mbreme ne nje interviste per tv Alsat. "Fletët e votimit nuk jane nje dokument zyrtar qe mbahet nga institucioni jone mbi bazen e ketyre rregullave, nuk jane dokumente qe futen ne arkiv dhe mbahen ne arkivin e KQZ. Ato ne kete moment qe flasim duhet te ishin hi, pra, te asgjesuara. I vetmi veprim ne baze te ligjit eshte ne rast se hapen kutite patjeter do ti djegim se keshtu thote ligji. Per mendimin tim debati per hapjen e kutive eshte i kote, sepse i vetmi destinacion ligjor i ketyre fleteve te votimit, eshte te behen hi", thote Ristani. Per kete arsye thote Ristani ka marre përgjigje negative edhe kerkesa e kreut te G99 qe ti vihen ne dispozicion fotokopjet e fleteve te votimit. Ai thote se Komisioni Qendror i Zgjedhjeve mund ti djeg fletet e votimit ne cdo moment por nuk e ka bere kete per te mos tensionuar me tej situaten. "Kur ne mund ta kishim bere kete pune, nderkohe kishte nisur debati politik rreth ketij problemi. Dhe figurativisht, per te mos i hedhur benzine zjarrit, menduam qe palet do te binden qe kerkesa e tyre eshte e paligjshme dhe ne nje kohe te qete ne mund te fillonim kete lloj veprimtarie. Ky debat per kete ceshtje nuk do te behej nese do ishin djegur me pare, po jam i bindur qe debati nuk e ka ketu problematiken, do te ishte gjetur ndonje problem tjeter", vijoi Ristani. Neni i debatueshem, i kodit zgjedhor qe i njeh te drejten dy anetareve te KQZ te kerkojne rinumërim votash, trajtohet politikisht thote Ristani. Sipas tij ligji eshte mjaft i qarte kërkohet rinumerim kur ka vota qe jane kontestuar gjate procesit te numërimit.