Krijohet Platforma e Krimesë, Elisa Spiropali: Mbështesim Ukrainën kundër agresionit rus!

Në Kiev të Ukrainës u formua “Platforma për Krimenë”. Shqipëria në samit u përfaqësua prej ministres për Marrëdhëniet me Parlamentin Elisa Spiropali. “Në Samitin e Platformës së Krimesë në Kiev miratuam Deklaratë të përbashkët për mbështetjen e Ukrainës kundër agresionit rus:
Mbështetje e palëkundur për integritetin territorial, sovranitetin dhe tërësinë e Ukrainës;
Dënimi i aneksimit të Krimesë si kërcënim serioz i paqes dhe sigurisë ndërkombëtare.
Theksova rëndësinë që Kryeministri Rama si Kryetar i OSBE për 2020 i dha zgjidhjes me dialog të situatës në Krime, si dhe pozitën e palëkundur të Shqipërisë përkrah aleatëve tanë ShBA dhe BE: Krimea është Ukrainë” shkruan me këtë rast në Facebook zonja Spiropali.