Kriza, Senati do te votoje sot planin e shpetimit

Senati planifikon te votoje sot ne mbremje planin 700 miliarde dollaresh qe do te nxjerre ekonomine amerikane nga kriza financiare, dy dite pas deshtimit te miratimit te tij nga Dhoma.

Projektligji ka disa shtesa te reja qe synojne rritjen e rezervave nepermjet ndryshimit te nivelit maksimal te sigurimit te Federal Deposit Insurance Corp nga 100 mije dollare ne 250 mije. Shtesat do te bashkangjiten me projektligjin qe te henen e shkuar u hodh poshte nga Dhoma.

Votimi eshte caktuar per ne mbremje vone, duke marre parasysh pushimin e hebrenjeve. Kandidati demokrat per Shtepine e Bardhe Barak Obama dhe zevendesi i tij Joe Biden kane konfirmuar pjesemarrjen e tyre ne seance.

Kryetaret e grupeve parlamentare, demokrati Harry Reid dhe republikani Mitch McConnell, bene te ditur planin diten e djeshme. “Demoratet dhe Republikanet e Senatit mendojne se eshte shume e rendesishme qe te punohet shpejt ne kete projektligj te rendesishem per te rregulluar besimin e sistemit tone financiar dhe per te forcuar ekonomine”, eshte shprehur Reid ne nje deklarate per shtyp.

Zedhenesi i Shtepise se Bardhe, Tony Fratto deklaroi se qeveria e mirepriti projektligjin e ndryshuar dhe votimin ne Senat.

Burime demokrate per CNN bene te ditur se ata presin nje bashkepunim dypalesh per kalimin e ligjit. Ndryshimi i limitit te FDIC-se s’ishte bere qe prej 1980-es. Rritja e ketij limiti, sipas drejtueses se FDIC-se, Shelia Bair, do te rrise besimin ne treg.