"Kriza, bashkepunim ballkanik"

Presidenti i Republikes, Bamir Topi u ka bere dje thirrje perfaqesuesve te vendeve te rajonit tone, per te bashkepunuar kunder krizes ekonomike, qe po perfshin nje pjese te mire te vendeve te botes. Keshtu kreu i shtetet, mori pjese dje ne forumin Rajonal Ekonomik te mbajtur ne Oher te Maqedonise, ku merrnin pjese edhe presidentet e Maqedonise, Kroacise, Bullgarise, Bosnje-Hercegovines e Malit te Zi. Ne fjalen e tij, Presidenti Topi e vuri theksin te bashkepunimi i ndersjellet i vendeve te rajonit, perballimin e krizes se rende globale financiare, e cila sjell edhe rrezik ne sektorin e energjise dhe renies ekonomike. "Nxitja e bashkepunimit ben te mundur qe ekonomia e cdo vendi t'i rezistoje ketij shock-u ekonomik qe po kalon bota mbare. Ne duhet te bashkepunojme sepse marredheniet ekonomike mes vendeve ende kane pengesa, qe frenojne zhvillimin e tregtise se lire" deklaroi Presidenti Topi ne fjalen e tij.

Topi theksoi se kjo krize boterore mund te ndikoje ndjeshem edhe mbi sistemin energjetik ne vendet e rajonit dhe se Shqiperia po e perjetonte nje krize te tille. Keshtu Topi shpjegoi per pjesemarresit ne forum se Shqiperia ka vuajtur nga furnizimi i pa sigurt me energji elektrike qe ndikoi ne rritjen ekonomike, sidomos gjate thatesires se gjate te vitit 2007, kur cmimet e produkteve energjetike u rriten dukshem dhe ekonomia e vendit u perball me rritjen e kostove. Ai ka kerkuar ngritjen e linjave te interkoneksionit te energjise, per te perballuar krizen. F.M