"Femijet mesime ne driten e qiriut, bizneset ne krize"

Terri qe ka perfshire pjesen me te madhe te vendit ka rikthyer edhe krizen tek bizneset. Me te prekur nga kjo dukuri jane lokalet, te cilet koston e perdorimit te gjeneratoreve nuk e justifikojne me xhiron ditore. Por ka edhe banore qe ankohen per kolpot e tensionit qe sjellin demtime te pajisjeve elektro-shtepiake. "Per te perballuar koston, ne dalim me humbje", thote nje pronar lokali ne qytetin e Korces. Nderprerja e energjise kthen zhurmen e gjeneratoreve qe nje pjese e klienteve nuk e durojne dot, per pese ore me radhe kur ka kufizime, kurse te tjeret nuk dalin fare nga shtepite. Kjo sjell uljen e xhiros ditore sipas pronareve dhe humbjet ne biznes. Ne shume rrobaqepesi, punedhenesit jane detyruar qe punetoret t'i dergojne ne shtepi, duke i paguar vetem per pese ore pune, ndersa paralajmerojne edhe nderprerje te aktivitetit nese situata do te rendohet me tej. Flora Muho, nga Korca, shprehet se ne lagjen e saj ikin dritat nga pese ore. "Niperit i bejne detyrat nen driten e qiririt. Shkollen e kane pasdite dhe kur vijne ne shtepi erret dhe ne kete menyre detyrohemi t'iu ndezim qirinjte. Kur vijne dritat ata duhet te flene dhe keshtu eshte nje stres me vete kjo situate", thote Flora. Madje ajo shpreh pakenaqesi per kete situate, pasi si familje i paguan rregullisht dritat qe prej vitit 1997. Por jo me pak kjo situate prek biznesin e madh ne rajonin e Gjirokastres, teper i njohur per magazinat gjigante te mallrave. Energjia iken nga 5-8 ore ne dite dhe frigoriferet apo pajisjet duhet te stakohen, duke sjelle edhe demtimin e mallit ose te punes. Per Kryetarin e Dhomes se Tregtise ne Gjirokaster, Mustafa Devolli, njekohesisht edhe njeri prej biznesmeneve te perpunimit te veshjeve, "jane gjithmone bizneset prodhuese qe ndjejne te paret efektet negative te stakimeve te energjise, kryesisht gjate stines se dimrit". "Prej vitesh e kisha lene soben me dru menjane pasi ngroheshim me kalorifer, por e shikoj qe ky dimer do te jete i ftohte, nderkohe qe energjia ka nisur te mungoje qe tani", thote Sami Lena, njeri prej qytetareve te Gjirokastres qe ka porositur per kete vit nje sasi drush per ngrohje. "Shpresoj se kjo situate nuk do te ndikoje ne rritjen e cmimit te gazit", thote Artur Sala, nje tjeter banor i qytetit, ndersa mbush bombolen me gaz per ngrohje.

Edhe ne Fier dimri ka mberritur se bashku me kufizimet. Arjol Bregu, i cili punon banakier ne nje prej lokaleve, pohon per gazeten se, "nderprerjet e energjise elektrike sjellin shqetesime pasi gjeneratoret harxhojne shume dhe bejne zhurme". Kurse Bule Toska, banore e qytetit ankohet per faktin se, "nderprerja energjise elektrike sjell shqetesim deri ne djegien e pajisjeve elektro-shtepiake". Hazbi Seiti, biznesmen nga Saranda, thote se paguan rregullisht, por prej disa ditesh nuk furnizohet me energji dhe po i demtohet aktiviteti.