Kriza, farmacite e boshatisura

Farmacia qendrore e QSUT eshte pothuajse e boshatisur. Ne Ministrine e Shendetesise sapo eshte kryer tenderi i madh per medikamentet e spitaleve, por deri ne lidhjen e kontratave dhe furnizimin e farmacive do te duhet ende kohe, sipas procedurave te parashikuara ne ligj. Keshtu, aktualisht te gjitha kirurgjite e sherbimeve ne qendren spitalore "Nene Tereza" ne Tirane kane pushuar se funksionuari per shkak te mungeses totale te medikamenteve. Problemet me operacionet dhe me barnat vijne per faktin se ende nuk kane mberritur medikamentet, ne menyre qe te gjitha pavijonet te punojne me kapacitet te plote dhe te behet edhe grafiku i te gjithe nderhyrjeve kirurgjikale. Mjeket shprehen se pritet qe per ata medikamente qe eshte bere tenderi do te mberrijne keto dite, ndersa per mjaft te tjera pritet qe se shpejti te hapen procedurat e tenderit.