Kriza globale, godet fabrikat e veshjeve ne Shqiperi

Nderprerja e kontratave dhe mos shlyerja e detyrimeve nga partneret e huaj, ka cuar ne faliment 50 ndermarrje fasoniste, kryesisht te veshjeve. Dhoma Kombetare e Prodhuesve te Veshjeve, ne nje takim dje me median u shpreh tejet e shqetesuar, lidhur me rritjen e presionit te krizes globale nderkombetare, ndaj bizneseve qe prodhojne me material porositesi. Per shkak te kesaj situate numri i punetoreve te shkurtuar, i atyre qe punojne me nderprerje per shkak te mungeses se porosive dhe i atyre qe jane derguar ne shtepi ne pritje te lidhjes se kontratave te reja, shenon rreth 11 mije. Prodhuesit e veshjeve i kane kerkuar qeverise, qe ne kete kuader te perdorin fondet e nxitjes se punesimit dhe formimit profesional si fonde te garantimit te pagimit te detyrimeve shoqerore dhe shendetesore, te pakten per nje periudhe 6-mujore. Sipas tyre, kjo do te ndihmonte bizneset tona ne kapercimin e veshtiresive te momentit, deri ne nje periudhe kur biznesit te fasoneve t’i rikthehej likuiditeti i munguar nga pasojat e krizes ne vendet kontraktore si Italia, Greqia, Gjermania etj, kompanite e te cilave kane krijuar probleme te mungeses se likuiditetit per kompanite shqiptare per kete periudhe krize. Ne sektorin e fasonit ne Shqiperi, perfshihen me shume se 400 ndermarrje qe prodhojne veshje dhe rreth 80 kompani qe prodhojne kepuce, ku punesohen jo me pak se 100 mije te punesuar, duke shenuar sektorin me te madh te punesimit ne fushen e manifakturimit, me rreth 4.5 miliarde leke xhiro ekonomike. Sipas perllogaritjeve te vete fasonisteve, ne nje ndermarrje me 50 punetore, ka nje humbje te fitimit vjetor prej 1.08 milione leke, qe eshte afro gjysma e te gjithe fitimit. Nderkohe per ndermarrjet e medha, nje numer punonjesish humbja e fitimit eshte akoma me e madhe dhe perllogaritet ne mbi 4 milione leke.