Kriza greke në fokus, tani në parlamentet evropiane
ATHINE - Dalja e Greqisë nga Eurozona ose falimentimi i saj do të sillnin "rreziqe domethënëse" dhe të "paparashikueshme". Kështu vlerësoi kancelarja e Gjermanisë Angela Merkel, e cila u takua me Presidentin e Eurogrup, Jean-Claude Juncker.
Merkel vlerësoi përpjekjet greke për menaxhimin e krizës së borxheve dhe theksoi nevojën që 17 shtetet anëtare të eurozonës të qëndrojnë solide.
Nga ana e tij z. Juncker theksoi se ka ende rrugë për të mbyllur ndihmën për Greqinë, duke thënë se "nata” nuk ka mbaruar.
Ky takim zhvillohet para se parlamenti gjerman të diskutojë dhe votojë marrëveshjen për Greqinë, në kuadër të ratifikimit të marrëveshjes nga gjithë parlamentet e vendeve të eurozonës.
Sipas raportuesve për mediat gjermane, numri i anëtarëve të partisë së Merkel, si dhe Partisë së Demokratëve të Lirë që do të votojnë kundër planit, ka shkuar në 12, krahasuar me 4 që ishte të mërkurën e kaluar.
Kancelarja Merkel pati gjithashtu një bisedë telefonike me kryeministrin grek Papadhimos, në funksion të Samitit të BE-së në 1 mars, për Greqinë.
Në këtë atmosferë, presidenti i SHBA, Barack Obama ka deklaruar se ka patur progres në zgjidhjen e krizën e borxheve në Evropë, por shtoi se "mbetet për t'u bërë shumë punë." Ai tha se është i kënaqur me marrëveshjen midis FMN-së, BE-së dhe Greqisë. Gjatë diskutimit të krizës së borxheve në eurozonë me kryeministrin danez, presidenti amerikan përmendi nevojën "për të siguruar jo vetëm stabilitetin ekonomik, por edhe rritjen ekonomike në Evropë”. “Nëse nuk ka zhvillim në Evropë, kjo do të ketë një ndikim në ekonominë amerikane", theksoi ai.
Ndërkaq në një shkrim të saj, revista “The economist” shkruan se kriza e ka kthyer Greqinë në vitin 2000. Pas "llogaritjeve" të pasojave të krizës ekonomike, “The economist” ka dalë në përfundimin se në Greqi ka një pengesë prej 12 vjetësh. Tregues për rastin grek janë çmimet e aksioneve të cilat ishin më të larta në vitin 1992, pagat reale kanë rënë nën nivelin e vitit 2004 ndërsa papunësia është kthyer në nivelet e viteve 1990.
Merkel vlerësoi përpjekjet greke për menaxhimin e krizës së borxheve dhe theksoi nevojën që 17 shtetet anëtare të eurozonës të qëndrojnë solide.
Nga ana e tij z. Juncker theksoi se ka ende rrugë për të mbyllur ndihmën për Greqinë, duke thënë se "nata” nuk ka mbaruar.
Ky takim zhvillohet para se parlamenti gjerman të diskutojë dhe votojë marrëveshjen për Greqinë, në kuadër të ratifikimit të marrëveshjes nga gjithë parlamentet e vendeve të eurozonës.
Sipas raportuesve për mediat gjermane, numri i anëtarëve të partisë së Merkel, si dhe Partisë së Demokratëve të Lirë që do të votojnë kundër planit, ka shkuar në 12, krahasuar me 4 që ishte të mërkurën e kaluar.
Kancelarja Merkel pati gjithashtu një bisedë telefonike me kryeministrin grek Papadhimos, në funksion të Samitit të BE-së në 1 mars, për Greqinë.
Në këtë atmosferë, presidenti i SHBA, Barack Obama ka deklaruar se ka patur progres në zgjidhjen e krizën e borxheve në Evropë, por shtoi se "mbetet për t'u bërë shumë punë." Ai tha se është i kënaqur me marrëveshjen midis FMN-së, BE-së dhe Greqisë. Gjatë diskutimit të krizës së borxheve në eurozonë me kryeministrin danez, presidenti amerikan përmendi nevojën "për të siguruar jo vetëm stabilitetin ekonomik, por edhe rritjen ekonomike në Evropë”. “Nëse nuk ka zhvillim në Evropë, kjo do të ketë një ndikim në ekonominë amerikane", theksoi ai.
Ndërkaq në një shkrim të saj, revista “The economist” shkruan se kriza e ka kthyer Greqinë në vitin 2000. Pas "llogaritjeve" të pasojave të krizës ekonomike, “The economist” ka dalë në përfundimin se në Greqi ka një pengesë prej 12 vjetësh. Tregues për rastin grek janë çmimet e aksioneve të cilat ishin më të larta në vitin 1992, pagat reale kanë rënë nën nivelin e vitit 2004 ndërsa papunësia është kthyer në nivelet e viteve 1990.