Kryebashkiaku, projekt per 62 rruge te permiresuara ne qytetin e Tiranes

TIRANE - Bashkia e Tiranes nis projektin per permiresimin e 62 rrugeve ne kryeqytet. Kryetari i kesaj bashkie, Edi Rama mori pjese dje ne fillimin e punimeve ne rrugen "Sadik Petrela", nje prej rrugeve te planifikuara per te qene pjese e ketij projekti. "Startoi projekti i ri per 62 rruge te percaktuara ne baze te degjesave publike te realizuara ne te gjitha komunitetet e kryeqytetit. Keshtu me keto rruge ne rrisim ndjeshem cilesine e jetes ne te gjithe njesite bashkiake, duke i dhene mundesi mijera banoreve qe te mos ecin me mbi balte", u shpreh kryetari i Bashkise, njekohesisht i selise roze, Rama. Sipas tij, rruget qe do te rregullohen e permiresohen u perzgjodhen bazuar nga kerkesat e komunitetit dhe njesive bashkiake ne vend. Sipas Rames u sigurua ne perzgjedhjen e tyre nje shperndarje territoriale ne te gjithe qytetin e Tiranes. Behet fjale per rruge, infrastruktura nentokesore e te cilave eshte ne gjendje te mire, dhe nevoja e vetme paraqitet per nje nderhyrjeje vetem ne shtresat asfaltike. Njesite bashkiake numer 5 ne Tirane do te jete ajo qe do te perfitoje me shume nga ky projekt. Per kete njesi bashkiake jane percaktuar per tu permiresuar plot tete rruge, duke pasur parasysh dhe vendodhjen e saj ne qender te kryeqytetit. Me pas, renditen njesite bashkiake 1, 2 dhe 3 me nga shtate rruge qe projekti i parashikon per permiresim. Realizimi i projektit te nisur dje, do te kushtoje 188.644.529 leke dhe financimet vijne nga te ardhurat e Bashkise se kryeqytetit. Me keto para, do te nderhyhet ne 62 rruge kryeqytetase dhe implementimi i ketij projekti mendohet te ndikoje drejtperdrejt ne permiresimin e cilesise se jeteses per banoret e kryeqytetit. R.R.