Berisha-Rama, debati ne distance
TIRANE - Kryeministri Sali Berisha dhe kryetari i Bashkise Edi Rama vijuan dhe dje perplasjen "elektorale" te radhes mes tyre. Gjate nje inaugurimi ne kryeqytet per projektin e sistemimit te kanalizimeve te ujerave te zeza, kryeministri Sali Berisha gjeti vendin te sulmoje kreun e Bashkise Tirane, se qeveria ka bere me shume per kryeqytetin se ai. "Dua t'i rikujtoj Kryetarit aktual me korrespondence te Bashkise se Tiranes, zotit Rama, por ne radhe te pare dua te informoj qytetaret e Tiranes se, ne keto 3 vjet, fondet qe qeveria ime ka siguruar per Tiranen jane 240 milione dollare, jane 20 miliarde leke", theksoi kreu i qeverise, duke lene te kuptohet se ne te kunder Rama nuk ka bere punen e tij. Sipas tij, Rames mendja i ka mbetur te "Zogu i Zi" dhe te gropa qe u mbyll pas Pallatit te Kultures, por qeveria e tij ka projekte madheshtore qe do e bejne Tiranen nje qytet evropian. Por kete here, nuk vonoi aspak reagimi i kreut te bashkise Rama. I pranishem ne nje tjeter inaugurim, ne fillimin e punimeve ne Rrugen "Sadik Petrela", Rama i sugjeroi kreut te qeverise te mos flase lart e poshte, por te shohe punimet e ndertimet qe behen cdo dite. "Besoj qe sot ishte rasti qe Kryeministri te ishte ketu dhe te mos kuturisej pas nje kanali ujerash te zeza, sepse mbeti duke shkuar pas komunave e bashkive per te marre ndonje pune mbi vete, sepse punet qeveritare e shikoni te gjithe vete si po shkojne", ironizoi kryetari i Bashkise. Por sipas kreut te qeverise Berisha, Rama flet se ka ndertuar 30 mije meter katror palestra. "Ai mendon se banoret jane per t'u mashtruar. Por kete shifer duhet ta pjesetojme me 10 dhe serish jemi me rezerva te medha per shifren qe mbetet", replikoi Kryeministri. Perplasjet ne distance mes dy lidereve te forcave kryesore politike PD dhe PS vijojne prej kohesh. E kryesisht lidhen me infrastrukturen rrugore e investimet e kryera ne vitet e fundit qofte te qeverisjes qofte te Bashkise se kryeqytetit. Sipas tij, Rama per kryeqytetin nuk ka bere as aq sa nje kryetar komune per zonen e tij, duke ju referuar me shume infrastruktures rrugore e kanalizimeve dhe qe ironizon dhe me topat qe shperndan kryebashkiaku. Nuk kane munguar dhe reagimet apo dhe sulmet e kreut te selise roze, Rama. Ne takimet e zhvilluara ne turin e tij "Dialog me Shqiperine", Rama ka akuzuar vazhdimisht kryeministrin dhe qeverine e tij se deshtoi ne premtimet e bera pasi nuk i realizoi ato. Rozeta Rapushi