Kryeministri Berisha përshëndet zhvillimin e zgjedhjeve për strukturat drejtuese të universiteteve publike

Dje, u zhvilluan zgjedhjet për strukturat drejtuese në universitetet publike të vendit. Kryeministri Berisha përshëndet të gjithë ata që morën pjesë në garë, si dhe fituesit e dalë nga këto gara, që do të jenë drejtuesit e universiteteve dhe fakulteteve të vendit.

Kryeministri Berisha i garanton ata se qeveria, në respekt të plotë të autonomisë së tyre, është e vendosur të bëjë gjithçka për reformimin e mëtejshëm të sistemit tonë arsimor, në mënyrë që të vendosë dijen, në themel të zhvillimit të vendit.