Kryeministri: Do jem avokat i pensioneve te minatoreve

Kryeministri Berisha deklaroi diten e djeshme, gjate nje takimi ne Manze te Durresit se do te shkurtonte me pese vite, moshen e pensionit per minatoret e kesaj zone. Po keshtu kryeministri Berisha deklaroi se qeveria qe ai drejtonte, do te rriste pensionet per minatoret ne te gjithe vendin. "Kerkoj mirekuptimin e minatoreve te Manzes dhe te mbare Shqiperise, qe te besojne tek Sali Berisha per rritjen e pensioneve te tyre. Une ju jap fjalen atyre, se do te jem avokati kryesor i pensioneve te larta te tyre, por kerkoj mirekuptimin e tyre se reforma e pensioneve na lejon t'i vendosim pensionet e minatoreve aty ku duam", deklaroi kryeministri Berisha. Sipas tij, kjo reforme nuk lejon percaktimin e statusit per minatoret. "Kjo reforme nuk na lejon te percaktojme statuse, sepse edhe ne rast se e percaktojme sot, do te detyrohemi ti heqim neser, se reforma e re e pensioneve nuk lejon statuse", deklaroi kryeministri Berisha. Ai i ftoi te gjithe minatoret qe te mos mashtrohen nga ata qe flasin per statusin e minatorit, pasi ai ju jepte fjalen se pensionet e tyre, do te jene nder me te lartat dhe me te mirat. Nga ana tjeter kryeministri Berisha i beri thirrje socialisteve te Manzes te votonin PD-ne, pasi kryetari i PS-se, Edi Rama, bazen e vet militante e zevendesoi me 99-shat e tij, veten e vetem se me ata, ndan fitimet perrallore te lejeve te ndertimit dhe korrupsionit te bashkise.