Kryeministri Edi Rama nis sot nje vizite dyditore ne Bruksel

Kryeministri Edi Rama nis sot nje vizitë dyditore në Bruksel. Ashtu siç edhe ishte paralajmëruar, ai do të shoqërohet nga ministri i Punëve të Jashtme, Ditmir Bushati dhe ministrja e Integrimit Evropian, Klajda Gjosha. 

Rama do takohet si fillim me kreun e PE-së, Martin Schultz e më pas ai do të mbajë një fjalë në Komisionin e Jashtëm të PE. 

Në vijim të vizitës, Rama dhe ministrat Bushati e Gjosha do të takohen me Presidentin e Këshillit të Evropës, Komisionit Evropian, me Sekretarin e Përgjithshëm të NATO-s, Anders Fogh Rasmusen dhe me Kryekomisionerin për Zgjerimin, Stefan Fyle.