Kryeministri, ne shkollen e Vores: Interneti per ju

Kryeministri Berisha, dje ne Vore mori pjese ne inaugurimin e kopshtit te femijeve, ndertim me vlere 45 milione leke, si dhe inauguroi perfundimin e rikonstruksionit te shkolles 9-vjecare Vore, me vlere 45 milione leke. Gjate vizites ne mjediset e kopshtit te femijeve, shprehu kenaqesine qe ndertimi i tij ofronte mjedise bashkekohore per te gjithe femijet e kesaj zone. Me pas kreu i qeverise u ndal ne shkollen 9-vjecare te Vores dhe vizitoi mjediset e brendshme te saj. Ai vuri ne dukje faktin, qe shkolla ofronte mjedise bashkekohore te mesimdhenies, e pajisur me laboratore mesimore, me kabinet informatike dhe terrene sportive. Sipas Berishes, qeveria e mbajti premtin e saj per t'i pajisur te gjithe nxenesit e shkollave te vendit me internet. Por kreu i qeverise, deklaroi se gjate mandatit te ardhshem qeveritar, cdo femije shqiptare do ta kishte internetin edhe ne shtepine e tij. "Lundrimi ne te gjitha skutat e dijes njerezore eshte hapi i pare, ndersa hapi tjeter i madh do te jete interneti ne shtepite tuaja. Por, ky ishte nje tjeter hap i madh dhe shume i rendesishem. Ne ia dolem qe ne te gjitha shkollat e vendit te kene internet, qe cdo femije ne shkollat e vendit, te mund te "lundroje" ne internet", deklaroi Berisha ne fjalen e tij. Po keshtu kreu i qeverise, theksoi se arsimi do te jete fusha prioritare e qeverise ne mandatin e dyte.