Kryeministri norvegjez punon fshehtas si taksist

Kryeministri norvegjez, Jens Stoltenberg kaloi një pasdite duke punuar i maskuar si taksist.

Sipas BBC, Stoltenberg donte të dëgjonte nga votuesit norvegjezë pikëpamjet e tyre, i bindur se taksitë janë të paktat vende ku njerëzit tregojnë qëndrimet e tyre.

Ai vuri syze dielli dhe një uniformë taksisti dhe e zbulonte identitetin e tij vetëm kur e njihnin pasagjerët.

Gjithçka është monitoruar me një kamera të fshehtë.

Filmimet do bëhen pjesë e një spoti që do të publikohet në fushatën elektorale.

Ata që hipnin në taksi e kuptonin se kishte diçka që nuk shkonte me shoferin.

Disa e njihnin që ishte ai, të tjerë ankoheshin për mënyrën se si i jepte makinës.

Ai tha se nuk i ka dhënë makinës prej tetë vitesh, ndaj kishte pak probleme.

Stoltenberg është popullor në Norvegji, por sondazhet thonë se ai është pas opozitës në zgjedhje./ep