Kryepiskopi Joan dënon sulmin terrorist në kishën e Profetit Ilia në Damask
Kryepiskopi i Tiranës, Durrësit dhe gjithë Shqipërisë, Joan, ka reaguar për sulmin terrorist në Kishën e Profetit Ilia në Damask, ku gjatë Liturgjisë Hyjnore dhjetëra besimtarë të pafajshëm humbën jetën ose u plagosën.
Në një deklaratë zyrtare, Kisha Orthodhokse Autoqefale e Shqipërisë dënon këtë akt dhune, veçanërisht pasi u krye në orarin e shenjtë të lutjes.
Ai shpreh ngushëllimet më të sinqerta për familjet e viktimave dhe mbështetjen e tij për Fortlumturinë e Tij, Patriarkun e Antiokisë dhe gjithë komunitetin Orthodhoks të Sirisë.
Në emër të Shqipërisë, Kryepiskopi bën thirrje për bashkëjetesë paqësore dhe kundër dhunës, duke theksuar se kjo është rruga e vetme drejt një të ardhmeje më të mirë.
/rtsh.al/